Вохӯрии сафир бо ректори Донишгоҳи Қатар
29 августи соли 2024 вохӯрии сафири фавқулода ва мухтори Ҷумҳурии Тоҷикистон дар Давлати Қатар Нурмурод Маҳмадалӣ бо ректори Донишгоҳи Қатар доктор Умар Муҳаммад ал-Ансорӣ доир гардид.
Дар рафти суҳбат роҳҳои таҳкими ҳамкории донишгоҳи мазкур бо муассисаҳои таълими олии Тоҷикистон, табодули мутахассисон дар соҳаҳои мавриди таваҷҷуҳи ҷонибҳо, забономӯзии донишҷӯён ва тавсеаи робитаҳо байни пажуҳишгоҳҳои илмӣ-тадқиқотии Тоҷикистону Қатар ҷиҳати омода намудани мутахассисони баландихтисос мавриди баррасӣ қарор гирифтанд.
