Мулоқоти cафир бо вазири маориф ва таҳсилоти олии Давлати Қатар
19 сентябри соли 2024 дар Давҳа вохӯрии сафири фавқулодда ва мухтори Ҷумҳурии Тоҷикистон дар Давлати Қатар Нурмурод Маҳмадалӣ бо вазири маориф ва таҳсилоти олии ин кишвар Бусайна бинт Алӣ ал-Нуаймӣ баргузор шуд.
Дар мулоқот ҳолат ва дурнамои густариши робитаҳои Тоҷикистон ва Қатар дар соҳаи маориф ва таҳсилоти олӣ, роҳҳои татбиқи амалии Созишномаи байниҳукуматӣ оид ба ҳамкорӣ дар ин соҳа, ҳамчунин ҷудо намудани бурсияҳои таълимӣ мавриди баррасӣ қарор гирифтанд.
Дар робита ба тавофуқи Роҳбарияти олии ду кишвар, ҷонибҳо доир ба таъсиси Маркази омӯзиши забонҳои хориҷӣ дар Тоҷикистон ба мувофиқа расиданд.
