Интихоботи вакилони Маҷлиси намояндагони Маҷлиси Олии Ҷумҳурии Тоҷикистон
Ҳамватанони гиромӣ!
Ба маълумоти Шумо мерасонем, ки тибқи санадҳои дахлдор, санаи 2 марти соли 2025 дар Ҷумҳурии Тоҷикистон ва ҳудуди намояндагиҳои кишвар дар хориҷа, баргузории Интихоботи вакилони Маҷлиси намояндагони Маҷлиси Олии Ҷумҳурии Тоҷикистон ба нақша гирфита шудааст.
Дар робита ба ин, ҷиҳати овоздиҳии ҳамватанони муқими Давлати Қатар Комиссияи участкавии интихоботи вакилони Маҷлиси намояндагони Маҷлиси Олии Ҷумҳурии Тоҷикистон дар бинои Сафорати Ҷумҳурии Тоҷикистон дар Давлати Қатар таъсис дода шудааст.
Аз шумо ва аъзои оилаатон, ки то санаи баргузории интихобот ба синни 18 мерасанд, даъват менамоем, ки дар ин чорабинии муҳим — интихоботи вакилони Маҷлиси намояндагони Маҷлиси Олии Ҷумҳурии Тоҷикистон ширкат намоед.
Раванди овоздиҳӣ рӯзи якшанбе, 2 марти соли 2025 аз соати 06:00 то 20:00 дар бинои Сафорати Ҷумҳурии Тоҷикистон дар Давлати Қатар, воқеъ дар суроғаи: Doha, Al Dafna, zone 64, Ibn Zaidoun str.810, Bld.84 сурат мегирад.
Лутфан, ҷиҳати овоздиҳӣ шиносномаи худро ҳамроҳ дошта бошед.
Бо эҳтиром,
Комиссияи участкавии интихоботи вакилони Маҷлиси намояндагони Маҷлиси Олии Ҷумҳурии Тоҷикистон дар Сафорати Ҷумҳурии Тоҷикистон дар Давлати Қатар,
Шумораи тамос:
Тел.: (+974) 4412 3906
Факс: (+974) 4498 4694
Телефони дастӣ ва вотсап: (+974) 51108636, (+974) 66700630
E-mail: tajemqatar@mfa.tj
