Иштироки Тоҷикистон дар нишасти кормандони аршади кишварҳои узви Муколамаи ҳамкории Осиё
30 апрели соли 2019 дар Давҳа дар остонаи Иҷлосияи 16-уми вазирони корҳои хориҷии Муколамаи ҳамкории Осиё нишасти кормандони аршади кишварҳои узви созмон баргузор гардид, ки дар он ҳайати Тоҷикистон ширкат намуд.
Дар рафти ҷаласа ҳайатҳо рӯзномаи Иҷлосияи 16-уми вазирони корҳои хориҷии Муколамаи ҳамкории Осиё ва пешнависи санади хотимавии нишасти мазкур — Эъломияи Давҳаро ҳамоҳанг намуда, фаъолияти Муколамаи ҳамкории Осиёро дар давоми 17 соли гузашта мавриди арзёбии фарогир қарор доданд.
