Мулоқоти сафир бо вазири давлатӣ доир ба ҳамкориҳои байналмилалии Давлати Қатар – муовини Раиси Шӯрои директорони Фонди Қатар доир ба рушд
Санаи 6 феврали соли 2025, ҷиҳати пайгирии натиҷаҳои сафарҳои сатҳи олии ду кишвар, дар шаҳри Давҳа мулоқоти сафири фавқулодда ва мухтори Ҷумҳурии Тоҷикистон дар Давлати Қатар Нурмурод Маҳмадалӣ бо вазири давлатӣ доир ба ҳамкориҳои байналмилалии Давлати Қатар – муовини Раиси Шӯрои директорони Фонди Қатар доир ба рушд хонум Марям бинти Алӣ ибни Носир Ал-Миснад баргузор гардид.
Дар мулоқот, ҷонибҳо роҳҳои густаришу тақвияти ҳамкориҳои Тоҷикистону Қатарро дар соҳаҳои иқтисод, тиҷорат, сармоягузорӣ дар бахшҳои энергияи сабз, бо иловаи соҳаи маориф ба таври муфассал баррасӣ намуданд.
Ҳамзамон, доир ба ҳамкориҳои судманди ду кишвари дӯст дар доираи созмонҳои минтақавию байналмилалӣ табодули назар сурат гирифт.
