Сафорати Ҷумҳурии Тоҷикистон дар Давлати Қатар

Дар ҳошияи Рӯзҳои фарҳангии Тоҷикистон дар Давҳа, санаи 9 феврали 2026 дар бинои Вазорати фарҳанги Давлати Қатар Намоиши васеи асарҳо, мусаввара, аксҳои таърихию фарҳангӣ, ҳунарҳои мардумӣ, урфу одат, дастовардҳои замони Истиқлол, навъҳои гуногуни таъомҳои миллӣ ва табиати зебои Тоҷикистон танзим гардид, ки дар он вазири фарҳанги Ҷумҳурии Тоҷикистон Матлубахон Сатториён, вазири фарҳанги Давлати Қатар Шайх Абдураҳмон ибни Ҳамад Оли Сонӣ, роҳбарону кормандони корпуси дипломатии муқими Қатар, намояндагони мақомоти кишвари иқомат ва васоити ахбори омма иштирок намуданд.

Сипас маросими расмии ифтитоҳи Рӯзҳои фарҳангӣ бо иштироки вазирони фарҳанги ду кишвар баргузор шуд, ки дар он аҳамияти таҳкими робитаҳои фарҳангӣ ва густариши ҳамкориҳои дуҷонибаи ду кишвар таъкид гардид.

Дар идома, барномаи консертии фарҳангӣ бо иштироки ҳунарпешаҳои шоиcтаи Тоҷикистон доир гардид.