Мулоқот бо Директори генералии Агентии ҷалби сармоягузории Давлати Қатар
30 сентябри соли 2026 дар шаҳри Давҳа мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо Директори генералии Агентии ҷалби сармоягузории Давлати Қатар (Invest Qatar) Шайх Алӣ Алвалид Оли Сонӣ баргузор гардид.
Дар рафти мулоқот ҳолат ва дурнамои рушди ҳамкориҳои иқтисодию сармоягузории Тоҷикистон ва Қатар, ҷалби сармояи хориҷӣ ба бахшҳои афзалиятноки иқтисоди миллӣ ва густариши робитаҳо байни доираҳои соҳибкориву сармоягузории ду кишвар мавриди баррасӣ қарор гирифтанд.
Саҳифаҳои расмии Сафорати Ҷумҳурии Тоҷикистон дар Давлати Қатар дар шабакаҳои иҷтимоӣ:
Мо дар Фейсбук: www.facebook.com/TajikistanEmbassytoQatar
Мо дар Инстаграм: www.instagram.com/tajemtoqatar
