Мулоқоти Сафир бо Вазири давлатии корҳои хориҷии Қатар

14 майи соли 2018 Сафири Ҷумҳурии Тоҷикистон дар Давлати Қатар Хисрав Соҳибзода бо Вазири давлатии корҳои хориҷии Қатар Султон Саъд ал-Мурайхӣ мулоқот намуд.

Дар ҷараёни суҳбат натиҷаҳо ва нақши Конфронси байналмилалии сатҳи баланд оид ба “Муқовимат бо терроризм ва ифротгароии хушунатомез”, ки дар шаҳри Душанбе 3-4 майи соли 2018 бургузор шуд, барои пешбурди минбаъдаи ташаббусҳои фарогир оид ба масъалаҳои мубрами таъмини амнияти минтақавию байналмилалӣ баланд арзёбӣ гардиданд. Сафири Тоҷикистон ба ҷониби Қатар барои иштироки фаъол дар чорабинии мазкур ва пешбурди ҳадафҳои Баёнияи Душанбе арзи сипос намуд.

Дар заминаи ташаббусҳои созандаи Ҷумҳурии Тоҷикистон, ки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи конфронси мазкур барои маҳви саривақтии вабои аср — терроризму ифротгароӣ матраҳ намуданд, аҳамияти тавсеаи ҳамкориҳои байналмилалӣ дар татбиқи барномаҳои иқтисодию иҷтимоӣ ва тақвияти талошҳои муштарак ҷиҳати ноил шудан ба Ҳадафҳои рушди устувор махсус таъкид гардид.

Ҷонибҳо ҳамчунун атрофи масъалаҳои мубрами ҳамкориҳои дуҷониба дар арсаҳои мухталиф табодули назар карданд.

National Development Strategy of the Republic of Tajikistan for the period up to 2030

UN Resolution entitled International Decade for Action “Water for Sustainable Development”, 2018-2028

MFA Publications

Hotline for Tajikistan citizens abroad