Мулоқоти Сафири Тоҷикистон бо Вазири меҳнати Қатар
10 январи соли 2023 мулоқоти кории Сафири Ҷумҳурии Тоҷикистон Хисрав Соҳибзода бо Вазири меҳнати Давлати Қатар доктор Алӣ бин Самих ал-Маррӣ баргузор шуд.
Дар рафти суҳбат роҳҳои тавсеаи ҳамкории дуҷониба дар соҳаи меҳнат ва дар ин замина масъалаҳои татбиқи минбаъдаи Созишномаи байниҳукуматӣ оид ба ҷалби нерӯи корӣ ба Қатар баррасӣ шуданд.
Ҳамчунин атрофи рӯзномаи ҷаласаҳои навбатии Гурӯҳи кории муштарак ҷиҳати татбиқи созишномаи мазкур ва дигар мавзӯҳои мавриди эҳтимоми тарафайн табодули назари судманд сурат гирифт.